tg-me.com/Saadhadi83/5186
Last Update:
#السلام_على_قلب_زينب_الصبور
.
وريثة ابوهه .. ابوهه.. بكل الآلام
بدمعهه تنادي .. تنادي.. ياعلي الشام
//
بجرح هامة علي .. الدين بمصيبه
من وجه الأرض مفگوده طيبه
وبس الشام تتسائل غريبه
چان يصلي حيدر ؟! لا،، عجيبه
حقدهه عماهه عماهه وبغضت الآل
ومكرهه تناقل تناقل بين الاجيال
//
انتقل عبر الزمن حقد ال أُميه
من سم الحسن للغاضريه
زينب تنظر بدمع الرزيه
شتسوي الخيول الاعوجيه
تدوس ابثگلهه بثگلهه صدر الحسين
اويلي يزينب مصيبه اشافت العين
//
من نيران باب امهه لخيمهه
ام الحزن زينب ،، هذا اسمهه
على التل ونّه ونّه الطف رسمهه
بوسط چف الگمر مشيول المهه
على الشاطي نادت وتحنّت من دمه الراس
الچنت ابوسطهه سهم بيهه آآه يعباس
//
معارك علي اتلاثه وكملتهن
سبي اتعنت ام عون الرابعتهن
هجرة دين الايام المشتهن
ورفض مو ضعف الدموع البچتهن
وريثه بحزنهه بصبرهه بغربة الروح
وشهيدة ابألمهه وقيمهه وكل الجروح
//
أُم كُد كيدك الواضح اثرهه
وقصر الشام ما لحظه كسرهه
بهيبة علي طبت شع خبرهه
ورمح راس الگمر راية نصرهه
عباة امهه خيمه خيمه فوگ المتون
وابو اليمه حزنه ترسمه فوگ العيون
//
غريبه الليله ماتت بنت الاشراف
وعلى اهات الحسين اهات تنضاف
الـ الف وتسعميه اجروحه تنشاف
صعبه يشيل نعش اخته اعله الچتاف
والمضحي روحه واچفوفه اعله النهر ذاب
اعله گبر اخته صعبه بزنوده يهيل التراب
//
سعد هادي الشمري
BY الشاعر سعد هادي الشمري
Warning: Undefined variable $i in /var/www/tg-me/post.php on line 280
Share with your friend now:
tg-me.com/Saadhadi83/5186